ઘરે બેઠા મેળવો 7/12 8-અ ના ઉતારા | 7/12 Utara Download Pdf Gujarat

ગુજરાત સરકારે ખેડૂતોની સુવિધા માટે 7/12 ઉતારાને ઓનલાઇન કરી દીધા છે. હવે ખેડૂતોને ઓફિસના ચક્કર લગાવવાની જરૂર નથી. તેઓ ઘરે બેઠા જ ઓનલાઇન પોર્ટલ પરથી પોતાના જમીનના રેકોર્ડ મેળવી શકે છે.

આ આર્ટીકલમાં ઓનલાઇન ઉતારા ડાઉનલોડ કરવા વિશે સંપૂર્ણ માહિતી મેળવીશું.

ઘરે બેઠા મેળવો 7/12 8-અ ના ઉતારા

ગુજરાત સરકારે ખેડૂતોના જીવનને સરળ બનાવવા અને પારદર્શિતા વધારવા માટે એક મહત્વનું પગલું ભર્યું છે. હવે ખેડૂતોને જમીનના દસ્તાવેજો જેવા કે 7/12, 8-A, 6 વગેરે માટે કચેરીના ચક્કર લગાવવાની જરૂર નથી. ગુજરાત સરકારના મહેસૂલ વિભાગે આ બધા રેકોર્ડને ઓનલાઇન કરી દીધા છે. આને "ગુજરાત ઇ-ધરા" તરીકે ઓળખવામાં આવે છે. આ ડિજિટલ સિસ્ટમ એટલી સારી છે કે ભારત સરકારે પણ તેની પ્રશંસા કરી છે અને તેને ઇ-ગવર્નન્સના ક્ષેત્રમાં એવોર્ડ આપ્યો છે. આ તમામ દસ્તાવેજો તમે AnyRoR Anywhere Portal અને iORA પોર્ટલ પરથી ઘરે બેઠા મોબાઇલથી પણ ડાઉનલોડ કરી શકો છો, તેમજ આ પોર્ટલ પર જઈને તમે તમારી જમીનની તમામ માહિતી પણ સરળતાથી મેળવી શકો છો.

ખેડૂતોના પોતાના જમીનના રેકોર્ડની વિગતો 7/12 ઉતારામાં સામેલ હોય છે. આ રેકોર્ડમાં માલિકી, સર્વે નંબર, જમીનનો પ્રકાર, પાકની માહિતી, જમીનનો વિસ્તાર વગેરે જેવી માહિતીનો સમાવેશ થાય છે. આ મહત્વપૂર્ણ રેકોર્ડ સરકારી યોજનાઓમાં લાભ મેળવવા,જમીન ખરીદ-વેચાણ કરવા તથા પાક લોન મેળવવા માટે પણ ઉપયોગી છે.

AnyRoR @Anywhere પર ઉપલબ્ધ સેવાઓ:

મહેસૂલ વિભાગ, ગુજરાત સરકાર તેના વેબ પોર્ટલ પર ખેડૂતો માટે ઘણી સેવાઓ પૂરી પાડે છે. જેમાં, AnyRoR ગુજરાત પોર્ટલ પર નિચે મુજબની સેવાઓ પૂરી પાડવામાં આવે છે.

• કોવિડ-19 એક્સ-ગ્રેટિયા ચુકવણી
• ડિજિટલી સહી કરેલ ROR
• જમીનનો રેકોર્ડ જુઓ – ગ્રામીણ
• જમીનનો રેકોર્ડ જુઓ – શહેરી
• મિલકત શોધ
• ઓનલાઈન અરજી (IORA)
• મુખ્યમંત્રી રાહત ફંડમાં યોગદાન

AnyRoR પર કયા લેન્ડ રેકોર્ડ જોઈ શકાય છે:

Anyror @Anywhere વેબસાઇટ પર ગ્રામીણ જમીનના રેકોર્ડ તથા શહેરી જમીનના રેકોર્ડ જોઈ શકાય છે.

ગ્રામ્ય વિસ્તાર જમીનના રેકોર્ડ:

ગ્રામીણ વિસ્તારોમાં ખેડૂતો તેમના જમીનના નીચે મુજબના તમામ રેકોર્ડ ઓનલાઈન જોઈ શકશે.

• ઇ-ચાવડી
• જૂના સ્કેન કરેલા ગામ નંબર- 7/12 ની વિગતો
• જૂના સ્કેન કરેલા હકક પત્રક ગામ નંબર-6 ની વિગતો
• ગામ નંબર-7 ની વિગતો
• ગા.ન- 8અ ની વિગતો
• હક્ક પત્રક ગા. ન. 6 ની વિગતો
• હક્ક પત્રક ફેરફાર માટે 135-ડી ની નોટીસ
• પ્રમોલગેશન થયેલ ગામ માટે જુના સરવે નંબર પરથી નવો સરવે નંબર
• વર્ષ અને મહિના મુજબ નોંધોની વિગત
• સરવે નંબરને લગતી સંપૂર્ણ માહિતી
• જમીન રેકર્ડ ને લગતા કેસની વિગત
• ખાતેદારના નામ પરથી ખાતુ જાણવા
• UPIN પરથી સર્વે નંબરની વિગત જાણવા

શહેરી વિસ્તારના જમીનનો રેકોર્ડ:

શહેરી વિસ્તારના નાગરિકો તેમના જમીનના નીચે મુજબના તમામ રેકોર્ડ ઓનલાઈન જોઈ શકશે.

• સર્વે નંબરની વિગતો
• નોંધ નંબરની વિગતો
• 135-D નોટિસની વિગતો
• માલિકના નામથી સર્વે નંબર જાણો
• વર્ષ અને મહિના મુજબ નોંધોની વિગત
• UPIN પરથી સર્વે નંબરની વિગત જાણવા

Anyror @Anywhere પોર્ટલ/વેબસાઈટ :

• AnyRoR પોર્ટલ : https://anyror.gujarat.gov.in/
• iORA પોર્ટલ : https://iora.gujarat.gov.in/

ઓનલાઇન ડીજિટલ સાઇન કરેલ ઉતારા ડાઉનલોડ:

તમે ઓનલાઇન ડીજિટલ સાઇન કરેલ ઉતારો કેવી રીતે ડાઉનલોડ કરી શકો છો તે અંગેની વિગતવાર માહિતી નિચે મુજબ છે:

• AnyRoR પોર્ટલ પર જાઓ: સૌપ્રથમ, તમારા કમ્પ્યુટર અથવા મોબાઈલમાં https://anyror.gujarat.gov.in/ પોર્ટલ ખોલો.
• "ડિજિટલ સાઇન કરેલ ગામ નમૂના નંબર" વિકલ્પ પસંદ કરો: હોમ પેજ પર તમને "ડિજિટલ સાઇન કરેલ ગામ નમૂના નંબર" વિકલ્પ મળશે. તેના પર ક્લિક કરો.
• મોબાઈલ નંબર દાખલ કરો: ખુલ્લા પેજમાં તમારો મોબાઈલ નંબર દાખલ કરો.
• કેપ્ચા કોડ દાખલ કરો: સ્ક્રીન પર દેખાતો કેપ્ચા કોડને નીચેના ટેક્સ્ટ બોક્સમાં દાખલ કરો. જો તમને કોડ સમજાતો ન હોય તો "Refresh Code" બટન પર ક્લિક કરીને નવો કોડ મેળવી શકો છો.
• OTP જનરેટ કરો: "Generate OTP" બટન પર ક્લિક કરો. તમારા મોબાઈલ નંબર પર એક વખતનો પાસવર્ડ (OTP) મોકલવામાં આવશે.
• OTP દાખલ કરો અને લોગિન કરો: મોબાઈલ પર મળેલ OTPને ટેક્સ્ટ બોક્સમાં દાખલ કરો અને "Login" બટન પર ક્લિક કરો.
• ફોર્મ ખુલશે: લોગિન કર્યા બાદ તમારી સામે એક ફોર્મ ખુલશે. આ ફોર્મમાં તમારે તમારી જમીનની વિગતો દાખલ કરવાની રહેશે.
• જિલ્લો, તાલુકો અને ગામ પસંદ કરો: ફોર્મમાં તમને જિલ્લો, તાલુકો અને ગામ પસંદ કરવાના વિકલ્પો મળશે. ડ્રોપડાઉન મેનુમાંથી તમારો જિલ્લો, તાલુકો અને ગામ પસંદ કરો.
• સર્વે નંબર, બ્લોક નંબર, ખાતા નંબર, નોંધ નંબર: આગળના વિભાગમાં તમારે સર્વે નંબર, બ્લોક નંબર, ખાતા નંબર અને નોંધ નંબર જેવી વિગતો દાખલ કરવાની રહેશે. આ માહિતી સામાન્ય રીતે તમારા 7/12 ઉતારામાં મળી આવે છે.
• "Add Village Form" પર ક્લિક કરો: બધી વિગતો દાખલ કર્યા પછી "Add Village Form" બટન પર ક્લિક કરો. આમ કરવાથી તમારી દાખલ કરેલી વિગતો ફોર્મમાં ઉમેરાઈ જશે.
• વધુ નંબરો ઉમેરો: જો તમારે બીજા કોઈ ગામના નમૂના નંબર ઉમેરવા હોય તો ફરીથી ઉપરની પ્રક્રિયાનું પુનરાવર્તન કરો.
• યાદી ચકાસો: બધા નંબરો દાખલ કર્યા પછી એકવાર યાદી ચકાસો કે બધી વિગતો સાચી છે કે નહીં.
• ચુકવણી માટે આગળ વધો: જો તમારી યાદી સંપૂર્ણપણે સાચી હોય તો, "Proceed For Payment" બટન પર ક્લિક કરો. આ બટન પર ક્લિક કરવાથી તમને ચુકવણી કરવાનું પેજ ખુલશે.
• પેમેન્ટ કરો: ખુલ્લા પેજ પર તમને ચુકવણી કરવા માટે વિવિધ વિકલ્પો મળશે. જેમ કે, ડેબિટ કાર્ડ, ક્રેડિટ કાર્ડ, નેટ બેંકિંગ વગેરે. તમારી સુવિધા મુજબ કોઈપણ એક વિકલ્પ પસંદ કરીને ચુકવણી કરો.
• ગામ નમૂનો ડાઉનલોડ: પેમેન્ટ પૂર્ણ થયા પછી સામાન્ય રીતે સ્ક્રીન પર "Download RoR" અથવા "ડાઉનલોડ ગામ નમૂનો" જેવો વિકલ્પ દેખાશે. આ વિકલ્પ પર ક્લિક કરીને તમે તમારો ડિજિટલ સાઇન કરેલ ગામ નમૂનો ડાઉનલોડ કરી શકો છો.

ઓનલાઇન ઉતારા ડાઉનલોડ કરવા વિશે સંપૂર્ણ માહિતી વિડિયો :

ઉતારા ડાઉનલોડ કરવા વિશે સંપૂર્ણ માહિતી વિડિયો ગુજરાતીમાં જોવા નીચેના બટન પર ક્લિક કરી જોઈ શકશો :

FAQ : ઘરે બેઠા મેળવો 7/12 8-અ ના ઉતારા :

Conclusion :

અમે આ બ્લોગ પોસ્ટ આર્ટિકલમાં ગુજરાતીમાં ઓનલાઇન ઉતારા ડાઉનલોડ કરવા વિશે સંપૂર્ણ માહિતી આપવાનો પ્રયત્ન કર્યો છે. છતાં કોઈ સૂચન કે ભલામણ હોય તો તમે નીચે કોમેન્ટ બોક્સ માં મેસેજ કરી શકો છો.

અમને આશા છે કે તમને અમારું કામ ગમ્યું હશે. અમે જેમ બને સારી અને નવી Latest માહિતી આપી છે. આવી રીતે જોડાયેલા રહો અમારી સાથે અને સાથ સહકાર આપતા રહો એ બદલ ખુબ ખુબ આભાર.

Disclaimer :

આ માહિતી માત્ર માર્ગદર્શન માટે છે. આમાં ત્રુટી હોઈ શકે છે. વધુ અને સંપૂર્ણ માહિતી માટે સરકારી ઓફીસીઅલ વેબસાઇટનો સંપર્ક કરવા અમારી વિનંતી છે.

જેમકે તમે જોયું આ સંપૂર્ણ આર્ટિકલ ગુજરાતી ભાષામાં છે અને ટાઈપ કરેલો છે. કદાચ અમારાથી ટાયપિંગમાં નાની-મોટી ભૂલ થઇ ગઈ હોય અને અમારા ધ્યાન માં ના આવી હોય તો અમને માફ કરજો અને નીચે કોમેન્ટ કરી અને જરૂર થી જણાવજો, અમે જલ્દી થી સુધારવાની કોશિશ કરીશું.

આ માહિતી Share કરવાનો અમારો ઉદેશ ફક્ત ખેતી વિષે માહિતી આપવા માટે અને બીજાને મદદ કરવાનો છે, છતાં અમારી કોઈ ભૂલ થઇ હોય તો માફ કરી અમને જણાવવા વિનંતી.