PAN 2.0 ને કેબિનેટની મંજૂરી, સરકારે બહાર પાડ્યું QR કોડ સાથેનું નવું PAN કાર્ડ, જાણો સંપુર્ણ માહિતી

આ આર્ટીકલમાં પાનકાર્ડ 2.0 પ્રોજેક્ટ વિશે સંપૂર્ણ માહિતી મેળવીશું.

પાનકાર્ડ 2.0 પ્રોજેક્ટ

ભારત સરકાર દ્વારા પાન કાર્ડ સિસ્ટમને આધુનિક બનાવવા માટે એક નવી યોજના શરૂ કરવામાં આવી છે, જેને "પાન કાર્ડ 2.0" તરીકે ઓળખવામાં આવે છે. આ યોજનાનો મુખ્ય હેતુ કરદાતાઓ માટે કરવેરાની પ્રક્રિયાને વધુ સરળ અને ઝડપી બનાવવાનો છે.
પાનકાર્ડ હવે માત્ર એક ઓળખનો પુરાવો નથી રહ્યું, પરંતુ આપણા બધા નાણાકીય વ્યવહારો માટે ખૂબ જ મહત્વનું દસ્તાવેજ બની ગયું છે. ભારત સરકારે આને ધ્યાનમાં રાખીને પાન કાર્ડને વધુ સુરક્ષિત અને અદ્યતન બનાવવાનું નક્કી કર્યું છે. નવા પાન કાર્ડમાં QR કોડ હશે જેનાથી આપણી માહિતીને સરળતાથી સ્કેન કરીને ચકાસી શકાશે. આ યોજના પાછળ સરકાર 1435 કરોડ રૂપિયાનો ખર્ચ કરી રહી છે, જેનાથી આપણને વધુ સારી સેવાઓ મળશે.

પાનકાર્ડ 2.0 પ્રોજેક્ટ ના ફાયદા:

• સુવિધા: QR કોડ અને ડિજિટલ સિગ્નેચર જેવા ફીચર્સથી તમારા માટે દસ્તાવેજો વેરિફાય કરવાની પ્રક્રિયા સરળ બનશે.
• સુરક્ષા: વધુ સારી સુરક્ષા સિસ્ટમથી તમારી માહિતી સુરક્ષિત રહેશે.
• પારદર્શિતા: આ નવી સિસ્ટમથી કરવેરા પ્રક્રિયા વધુ પારદર્શી બનશે.
• કાર્યક્ષમતા: ઓનલાઇન અને ઝડપી પ્રક્રિયાઓથી સરકારી કામકાજ વધુ કાર્યક્ષમ બનશે.
• આર્થિક વિકાસ: વધુ સારી કરવેરા વ્યવસ્થાથી આર્થિક વિકાસને પ્રોત્સાહન મળશે.

પાનકાર્ડ શું છે:

પરમેનન્ટ એકાઉન્ટ નંબર (PAN) એ આવકવેરા વિભાગ દ્વારા જારી કરવામાં આવતો એક અનોખો 10 અંકનો નંબર છે. આ પાનકાર્ડનો મુખ્ય ઉપયોગ નાણાકીય કાર્યો માટે થાય છે, જેમ કે આવકવેરો ભરવો, બેંક ખાતા ખોલાવવું અને મિલકત ખરીદવી. પાનકાર્ડમાં તમારા નાણાંકીય વ્યવહારો અને ટેક્સની માહિતી રેકોર્ડ કરવામાં આવે છે, જેમ કે તમારી આવક, ચૂકવેલા ટેક્સ અને અન્ય નાણાકીય વ્યવહારો. આ કાર્ડમાં તમારા તમામ રોકાણ સંબંધિત માહિતી પણ સમાવિષ્ટ હોય છે.

શા માટે સરકાર લાવી રહી છે નવું પાનકાર્ડ:

કેન્દ્ર સરકારે પાન કાર્ડ અપગ્રેડ કરવા માટે PAN 2.0 લોન્ચ કરવાની વાત કરી છે. કેન્દ્રીય મંત્રી અશ્વિની વૈષ્ણવના જણાવ્યા મુજબ PAN 2.0 પ્રોજેક્ટ એ એક ઈ-ગવર્નન્સ પહેલ છે જેનો ઉદ્દેશ્ય પાનકાર્ડ પ્રમાણીકરણથી લઈને પાનકાર્ડનો ઉપયોગ સરળ અને સુરક્ષિત બનાવવાનો છે. તેમણે કહ્યું કે જે સોફ્ટવેર પાન કાર્ડનું સંચાલન કરે છે તે 15-20 વર્ષ જૂનું છે અને તેને અપગ્રેડ કરવાની જરૂર છે. PAN 2.0 દ્વારા સરકાર કરદાતાઓને વધુ સારો ડિજિટલ અનુભવ પ્રદાન કરવા માંગે છે.

નવું પાનકાર્ડ કેવી રીતે મળશે:

જો તમારી પાસે પહેલાથી જ પાનકાર્ડ છે તો તમારે કંઈ કરવાની જરૂર નથી. તમને નવું પાનકાર્ડ મળશે. આ માટે કોઈ ફી ચૂકવવાની રહેશે નહીં. તે તમારા સરનામા પર પહોંચાડવામાં આવશે. જો કે, જો તમારી પાસે પાનકાર્ડ નથી તો તમારે ડિજિટલ અથવા ભૌતિક પાન કાર્ડ માટે અરજી કરવી પડશે.

નવા પાનકાર્ડમાં શું હશે નવું:

નવા પાનકાર્ડમાં QR કોડ (QR કોડ PAN કાર્ડ) જેવી સુવિધાઓ હશે, જે વપરાશકર્તાઓ ના અનુભવને વધુ શ્રેષ્ઠ બનાવશે. સરકારનો હેતુ ડિજિટલ ઈન્ડિયા હેઠળ PAN 2.0 પ્રોજેક્ટને વધુ ઉપયોગી બનાવવાનો છે. તે સરકારી યોજનાઓનો લાભ મેળવવામાં પણ મહત્વની ભૂમિકા ભજવી શકે છે. આ જ કારણ છે કે સરકાર PAN અને આધારને લિંક કરવા પર ઘણો ભાર આપી રહી છે.

પાનકાર્ડ કેવી રીતે બનાવશો:

પાન કાર્ડ એ આધાર કાર્ડ જેટલું જ મહત્વપૂર્ણ દસ્તાવેજ છે, પરંતુ નાણાકીય વ્યવહારોમાં તેનું મહત્વ ખુબ જ મહત્વપૂર્ણ બની જાય છે. તમે પાન કાર્ડને ભૌતિક અને ડિજિટલ બંને રૂપમાં મેળવી શકો છો. આવકવેરા વિભાગે ઘણી PayNearby અને રિટેલ સ્ટોર્સને PAN સર્વિસ એજન્સીઓ (PSA) તરીકે સ્વીકૃતિ આપી છે, જ્યાં પાન કાર્ડ ભૌતિક રીતે બનાવવામાં આવે છે. આમાં કરિયાણાની દુકાનો, મોબાઈલ રિચાર્જ આઉટલેટ્સ, ટ્રાવેલ એજન્સીઓ વગેરે શામેલ છે.

પાનકાર્ડ ઓનલાઈન મેળવવા માટે, તમે ઈન્કમ ટેક્સના ઈ- પોર્ટલ પર જઈને મફત ઈન્સ્ટન્ટ ઈ-પાન માટે અરજી કરી શકો છો. જો કે મફત ઇ-પાનનો લાભ ફક્ત તે લોકો લઈ શકે છે જેમણે હજુ સુધી PAN કાર્ડ નથી બનાવ્યું અને જેમના આધાર સાથે મોબાઈલ નંબર લિંક હોય. જો તમારું પાન કાર્ડ ખોવાઈ જાય અથવા ખોટું થઈ જાય તો તેને પુનઃપ્રાપ્ત કરવા માટે તમારે લગભગ 100 રૂપિયાની ફી ચુકવવી પડે છે.

પાનકાર્ડ સત્તાવાર પોર્ટલ/વેબસાઈટ :

UTITSL વેબસાઇટ : https://www.utiitsl.com/
NSDL વેબસાઇટ : https://nsdl.co.in/

પાનકાર્ડ બનાવવાની પ્રક્રિયા:

પાનકાર્ડ બનાવવા માટે તમે ઓનલાઇન અથવા ઑફલાઇન રીતે અરજી કરી શકો છો.

ઓનલાઇન અરજી:

• NSDL વેબસાઇટ: તમે NSDL (નેશનલ સિક્યોરિટીઝ ડિપોઝિટરી લિમિટેડ)ની વેબસાઇટ પર જઈને ઓનલાઇન અરજી કરી શકો છો.
• UTITSL વેબસાઇટ: તમે UTITSL (યુટીઆઇ ઇન્ફ્રાસ્ટ્રક્ચર ટેક્નોલોજી એન્ડ સર્વિસીઝ લિમિટેડ)ની વેબસાઇટ પર જઈને પણ ઓનલાઇન અરજી કરી શકો છો.
• આવકવેરા વિભાગની વેબસાઇટ: આવકવેરા વિભાગની વેબસાઇટ પર પણ તમે ઓનલાઇન અરજી કરી શકો છો.

ઑફલાઇન અરજી:

• આવકવેરા વિભાગના સત્તાવાર એજન્ટ: તમે આવકવેરા વિભાગના સત્તાવાર એજન્ટ પાસેથી અરજી ફોર્મ મેળવીને ભરીને સબમિટ કરી શકો છો.
• પે નિયરબાય અને રિટેલ સ્ટોર્સ: આવકવેરા વિભાગે ઘણી દુકાનો જેવી કે કરિયાણાની દુકાનો, મોબાઈલ રિચાર્જ આઉટલેટ્સ, ટ્રાવેલ એજન્સીઓને પાન કાર્ડ બનાવવા માટે સત્તા આપી છે. તમે આવી દુકાનો પર જઈને તમારું પાન કાર્ડ બનાવી શકો છો. આને પાન સર્વિસ એજન્સી (PSA) કહેવાય છે.

નોંધ: આ પછી તમને એકનોલેજમેન્ટ નંબર મળશે જેના દ્વારા તમે તમારા પાન કાર્ડનું સ્ટેટસ ચેક કરી શકો છો.

પાનકાર્ડ 2.0 પ્રોજેક્ટ વિશે સંપૂર્ણ માહિતી વિડિયો :

પાનકાર્ડ 2.0 પ્રોજેક્ટ વિશે સંપૂર્ણ માહિતી વિડિયો ગુજરાતીમાં જોવા નીચેના બટન પર ક્લિક કરી જોઈ શકશો :

FAQ : પાનકાર્ડ 2.0 પ્રોજેક્ટ :

Conclusion :

અમે આ બ્લોગ પોસ્ટ આર્ટિકલમાં ગુજરાતીમાં પાનકાર્ડ 2.0 પ્રોજેક્ટ વિશે સંપૂર્ણ માહિતી આપવાનો પ્રયત્ન કર્યો છે. છતાં કોઈ સૂચન કે ભલામણ હોય તો તમે નીચે કોમેન્ટ બોક્સ માં મેસેજ કરી શકો છો.

અમને આશા છે કે તમને અમારું કામ ગમ્યું હશે. અમે જેમ બને સારી અને નવી Latest માહિતી આપી છે. આવી રીતે જોડાયેલા રહો અમારી સાથે અને સાથ સહકાર આપતા રહો એ બદલ ખુબ ખુબ આભાર.

Disclaimer :

આ માહિતી માત્ર માર્ગદર્શન માટે છે. આમાં ત્રુટી હોઈ શકે છે. વધુ અને સંપૂર્ણ માહિતી માટે સરકારી ઓફીસીઅલ વેબસાઇટનો સંપર્ક કરવા અમારી વિનંતી છે.

જેમકે તમે જોયું આ સંપૂર્ણ આર્ટિકલ ગુજરાતી ભાષામાં છે અને ટાઈપ કરેલો છે. કદાચ અમારાથી ટાયપિંગમાં નાની-મોટી ભૂલ થઇ ગઈ હોય અને અમારા ધ્યાન માં ના આવી હોય તો અમને માફ કરજો અને નીચે કોમેન્ટ કરી અને જરૂર થી જણાવજો, અમે જલ્દી થી સુધારવાની કોશિશ કરીશું.

આ માહિતી Share કરવાનો અમારો ઉદેશ ફક્ત ખેતી વિષે માહિતી આપવા માટે અને બીજાને મદદ કરવાનો છે, છતાં અમારી કોઈ ભૂલ થઇ હોય તો માફ કરી અમને જણાવવા વિનંતી.